Teangan harti iklan,wawaran Jeung naon bedana iklan jeung iklan layanan masyarakat!!! Penting masbro!!

Iklan mangrupakeun kecap anu asalna tina basa Arab nyaeta i'lan anu ngabogaan harti pangumuman. Kecap wawaran umpama ditarjamahkeun kana bahasa Indonesia hartina sarua jeung pengumumun. Pangumuman dina basa Sunda sarua jeung pengumuman dina basa Indonesia. Jadi, ditilik tina harti kecapna, sabenerna iklan teh sarua hartina jeung wawaran. Tapi, umpama ditilik tina sisi definisi, dina basa Sunda, iklan beda jeung wawaran.

Iklan nyaeta mangrupakeun sagala bentuk promosi barang atawa jasa. Iklan eusina mangrupakeun kalimah pangajak ka masarakat pikeun meuli atawa ngagunakeun barang atawa jasa anu ditawarkeun.

Sedengkeun wawaran nyaeta tulisan anu eusina mengrupa kalimah panitah, kalimah panyaram atawa kalimah pangajak. Saperti kalimat panitah pikeun nutup panto, kalimah panyaram ulah miceun runtah, atawa kalimah pangajak ngajaga kaberesihan. Wawaran biasana dipasang di tempat umum anu aya hubunganana jeung eusi eta wawaran, saperti di dingding masjid, sakola, bandara, mall, jeung sajabana.

Iklan layanan masarakat nyaeta tulisan anu umumna ngabogaan eusi kalimah pangajak, saperti umpamana pangajak pikeun mayar pajak, pangajak pikeun ngaberantas narkoba, atawa pangajak pikeun jadi donor darah. Iklan layanan masarakat biasana dipasang di tempat anu strategis jeung gampang kabaca, tapi henteu kudu dipasang di tempat anu aya hubunganana jeung eusi eta iklan layanan masarakat.

Jadi, bedana iklan (iklan komersil) jeung iklan layanan masarakat nyaeta iklan komersil eusina mangrupa kalimah pangajak ti hiji perusahaan barang atawa jasa ka masarakat pikeun meuli atawa ngagunakeun barang atawa jasa anu ditawarkeun, sedengkeun iklan layanan masarakat eusina mangrupa kalimah pangajak anu biasana ti pamarentah pikeun ngalakukeun program anu dikaluarkeun ku pamarentah, saperti pangajak pikeun mayar pajak, jeung sajabana.